HomeBusinessകടുത്ത സാമ്പത്തിക പ്രതിസന്ധി; ഒരു വർഷത്തേയ്ക്ക് പുതിയ പദ്ധതികൾ ഒന്നുമില്ല

കടുത്ത സാമ്പത്തിക പ്രതിസന്ധി; ഒരു വർഷത്തേയ്ക്ക് പുതിയ പദ്ധതികൾ ഒന്നുമില്ല



ഡൽഹി: വർദ്ധിച്ചുവരുന്ന കൊറോണ വൈറസ് കേസുകൾക്കിടയിൽ ചെലവ് ചുരുക്കൽ കർശനമാക്കാനുള്ള നീക്കവുമായി കേന്ദ്ര ധനകാര്യ മന്ത്രാലയം. ഒരു വർഷത്തേക്ക് പുതിയ പദ്ധതികളൊന്നും സർക്കാരിൻറെ പരിഗണനയിൽ ഇല്ലെന്ന് ധനകാര്യ മന്ത്രാലയം വ്യക്തമാക്കി.

ഈ സാമ്പത്തിക വർഷം മറ്റൊരു പദ്ധതിക്കും ഇനി അംഗീകാരം ലഭിക്കില്ലെന്നും ധനമന്ത്രാലയം അറിയിച്ചു. ബജറ്റ് പ്രകാരം ഇതിനകം അംഗീകരിച്ച പദ്ധതികളും മാർച്ച് 31 വരെ താൽക്കാലികമായി നിർത്തിവയ്ക്കും.

ധനമന്ത്രാലയത്തിലേക്ക് പുതിയ പദ്ധതികൾക്ക് വേണ്ടി നിരവധി അഭ്യർത്ഥനകൾ അയയ്ക്കുന്നത് നിർത്താൻ എല്ലാ മന്ത്രാലയങ്ങളോടും ആവശ്യപ്പെട്ടിട്ടുണ്ട്. പ്രധാനമന്ത്രിയുടെ ഗരിബ് കല്യാൺ പാക്കേജിലും ആത്മനിർഭർ ഭാരത് അഭിയാൻ പാക്കേജിന് കീഴിൽ വരുന്ന പദ്ധതികൾക്ക് വേണ്ടിയുള്ള ചെലവുകൾ മാത്രമേ അനുവദിക്കൂ.



റിസർവ് ബാങ്കിന്റെ 8.01 ലക്ഷം കോടി രൂപയുടെ പണലഭ്യത നടപടികൾ ഉൾപ്പെടുന്ന 20.97 ലക്ഷം കോടി രൂപയുടെ സാമ്പത്തിക പാക്കേജ് സർക്കാർ ഇതിനകം പ്രഖ്യാപിച്ചിട്ടുണ്ട്.

Stay Connected
16,985FansLike
2,048FollowersFollow
2,458FollowersFollow
Must Read
- Advertisement -
Related News
- Advertisement -